Tundhimentas. Lana e lamas (Pintore Francesco - Abbà edizioni)

Tundhimentas est unu servìtziu chi pertocat sa tundhimenta de is brebès in Sardigna. Su progetu, cumpriu in tempus de chimbe annos, naschit coment’e afainu po documentare su pastoriu in s’Ísula e at portau a cuncordare unas cantu paradas e unos cantu lìbberos cun duos argumentos chipertocant is sartos nostos: S’avolotu de is pastores (su 2019) e su contu a fotografias de sa tràmuda de su bestiàmene de Désulu a Làconz
Como tocat a sa tundhimenta de is brebès, una costumàntzia antiga meda chi in Sardigna, de is primos annos Otanta de su séculu apenas passau, est connoschendho unu cambiamentu rivolutzionàriu tecnológicu e antropológicu chi in pagas deghinas de annos podet cambiare su connotu sèmpere importante meda in sa vida de is pastores sardos.
In custa pubblicatzione su pesu de s’Autore est a dópiu. No dhi bastat de presentare immàgines, ma iscriet is testos. Deosi càmbiat sa manera de contare e faet foedhare is fotografias de sèi issoro. Su limbàgiu fotogràficu faet a mancu de dèpere servire a su testu e si presentat cun dunu puntu de vista suo.

Francesco Pintore 
giornalista naschiu in Désulu su 1964, trebballat in sa redatzione de L’Unione Sarda in Castedhu.
Est amantiosu de fotografia. At portau a cumprimentu is progetos “Ardia 365” (festa de santu Antinu in Sédilo) e “Nel nome del latte” (sa furriada de is pastores sardos su 2019 po su prétziu de su late). Is fotografias suas dhas ant presentadas in parada in Strasburgo, in Milano, Asti e Castedhu.